Edhe pse kërkohet me ngulm nga shumë skuadra, sidomos nga Juventusi, Federico Chiesa konsiderohet i pashitshëm nga drejtuesit e Fiorentinës. Menaxheri i përgjithshsëm i klubit vjollcë, Giancarlo Antognoni, pranoi se për lojtarin ka shumë kërkesa, por qëllimi i klubit është ta mbajë 20-vjeçarin.
Ai deklaroi se Chiesa është një lojtar shumë i fortë fizikisht dhe që luan shumë mirë me të dyja këmbët dhe këto cilësi e bëjnë atë shumë të kërkuar.
Gjithsesi sipas Antognonit qëllimi i klubit është që sulmuesi të vazhdojë të përmirësohet dhe të ndihmojë ekipin të arrijë objektivat.
