Futbollisti me origjinë shqiptare, Xherdan Shaqiri, i mahniti të gjithë në debutim me fanellën e Liverpulit duke shënuar gol me roveshatë në sfidën ndaj Mançester Junajtid që përfundoi 1-4 në favor të skuadrës së Jurgen Klop.
Kjo nuk ishte hera e parë që Shaqiri shënon në këtë mënyrë, pasi e kemi parë shpesh me të tilla realizimi, por të shënosh me fanellën e Liverpulit, është një emocion i veçantë.
Në një prononcim për mediat pas ndeshjes, shqiptari i Zvicrës tregon që stërvitet shumë për të shënuar gola të tillë dhe e pranon se topi ishte i përsosur ndaj nuk kishte arsye pse të mos e provonte.
“Unë mendoj se kam mësuar të bëj të tillë gola! Kam shënuar shumë herë në këtë mënyrë, pasi më pëlqen futja në stilin e biçikletës. Unë trajnohem shumë për këtë stil. Topi ishte i përsosur dhe nuk kisha pse të mos e provojë. U përpoqa dhe shënoja një gol shumë të bukur”, u shpreh Shaqiri.
