Ronald Koeman ka marrë drejtimin e Barcelonas dhe i autorizuar nga klubi për të biseduar me futbollistët për t’i dhënë vendimin nëse do të qëndrojnë ose jo, ka kontaktuar telefonikisht me 6 futbollistë deri tani: Rakitic, Umtiti, Suarez, Vidal, Alba dhe Pique.
Dhe, sipas asaj që ka mësuar programi “El Chiringuito” dhe gazetari katalanas Jota Jordi, vetëm dy do të qëndrojnë dhe janë pjesë e projektit… Bëhet fjalë për Jordi Alba dhe Pique. Sakaq, të tjerët janë njoftuar se mund të nisin të kërkojnë skuadër të re, edhe pse situata e Umtitit është pak ndryshe duke qenë se është më i ri si Rakitic, Suarez dhe Vidal.