Të gjendesh në vendin e gabuar, në momentin e gabuar. I ka ndodhur Richarlison de Andrade, i njohur thjeshtë si Richarlison. Braziliani nga Nova Venécia, Richarlison, i intervistuar nga Four Four Two, ka rrëfyer një aventurë shumë të tmerrshme ku ka qenë protagonist në kohën kur jetonte në Brazil dhe ishte vetëm një djalosh.
“Një ditë, një djlë më shënjestori pistoletën në kokën time, mendonte se unë isha trafikant droge në kërkim për t’i rrëmbyer pikën e tij të shpërndarjes. Isha i trembur. Mendova: ‘Nëse shkrep këmbëzën, atëherë jam i vdekur’. Kisha ëndrrën që të bëhesha një futbollist dhe u përqendrova te stërvitja për të arritur objektivin tim. Kam bërë gjithmonë zgjedhjet e duhura dhe Zoti më ka vënë në vendin e duhur”, përfundoi futbollisti që u transferua këtë merkato vere nga Watford te Everton për një shifër rreth 56 milionë euro.
