Një nga elementet që i mungon Inter-it të Luciano Spalletti-t është sigurisht mesfushori, Zikaltrit nuk kanë hequr dorë akoma nga Moussa Dembele, teksa në sfond është edhe William Carvalho.
Por, sipas “Gazzetta.it”, Inter po ndjek edhe një lojtar tjetër: “Në listën e opsioneve është edhe Mauro Arambarri, mesfushor qendror uruguaian, në pronësi të Getafe”, shkruhet në portalin italian.
“Një futbollist me perspektivë, i cili ka luajtur me kombëtaren Under 20 të Uruguait. 22-vjeçari ka rënë në sy për cilësitë e tij taktike dhe tani mund t’i ofrohet mundësia të tregojë vlerat e tij në Itali. Kosto e kartonit është 15 milionë euro”.
