Dështoi marrëveshja me Wolverhampton, por për Joao Mario mund të hapen dyert e La Liga. Në gjurmët e portugezit, që nuk bën pjesë në planet e trajnerit të Inter, Luciano Spalletti, është vënë Betis Sevilla.
“Eshtë një nga futbollistët të na intereson më shumë për karakteristikat që ka. Eshtë një futbollist i aftë dhe ne pëlqen, por nuk kemi folur ende me Inter,” – deklaroi zv.presidenti i Betis. Lorenzo Serra Ferrer.
Inter kërkon të shesë Joao Mario, i blerë për 40 milionë euro verën e kaluar, për të marrë një mesfushor qendre që i duhet Spalletti, Ander Herrera, Vidal ose Barella.
“Kushton 35 milionë euro? Unë nuk merrem me çështjet ekonomike, por me ato sportive,” – shtoi Ferrer.
