Një goditje e madhe “merkatoje” për “DAZN Italy”. Shërbimi i transmetimit të drejtpërdrejtë dhe pjesa e kërkuar e “Perform Group”, ka njoftuar përmes kanaleve zyrtare sociale arritjen e Paolo Maldinit.
Ndër lojtarët më të mirë në historinë e futbollit europian, 26 trofe të fituara me fanellën e Milanit, ish-kapiteni kuqezi ende mban rekordin e ndeshjeve të luajtura në Seria A (647) dhe të minutave në Kampionatin Botëror (2216).
Duke filluar nga sezoni i ardhshëm, DAZN do të transmetojë 114 ndeshje ekskluzive të Seria A dhe të gjitha (472) ndeshjet e Seria B, nga të cilat 428 janë ekskluzive. Të drejta të tjera do të vijnë së shpejti.
Platforma “DAZN” do të transmetojë në internet me një ofertë multi-sportive prej 9.99 € në muaj, pa kontrata afatgjata, me mundësi të çabonimit në çdo kohë.