Ishte një nga më të mirët në kampionatin shqiptar, teksa me fanelën e Kukësit u shpall edhe golashënuesi i skuadrës. Sindrit Guri, sulmuesi shkodran u transferua në këtë merkato vere në Belgjikë me ekipin e Ostende. 24-vjeçari po kalon një formë të mrekullueshme ku duket se vendin e titullarit tashmë e ka të sigurtë. Me paraqitjet e dhuruara në fushën e blertë, ai ka bindur stafin teknik dhe të gjithë janë të gëzuar që në organikë kanë një futbollistë me cilësi si Guri.
Dje, skuadra e Ostende luajti një ndeshje miqësore kundër Bruse Bojs Zeuen, takim që u fitua me rezultatin 14-0. Shkodrani arriti të shënonte plot 4 gola, përkatësisht golin e dytë dhe të tretë, të shtatë dhe të tetë. Gjithashtu dha edhe dy asist për shokët e skuadrës. Vetëm pak kohë me skuadrën e Ostende, mesa duket Guri është ambientuar mjaft mirë me fanelën e ekipit belg. Nëse vijon të jetë në këto ritme, nuk do të jetë çudi që ish-sulmuesin e Kukësit ta shohim në një skuadër të njohur europiane.
In de marge van de zege van de Rode Duivels legden onze jongens er 14 in het mandje tegen VV Bruse Boys. Bekijk hier de goals en vergeet je telraam niet 😉
Gepostet von KV Oostende am Samstag, 7. Juli 2018