Presidenti i Kukësit, Safet Gjici, nuk e ka fshehur entuziasmin pas kualifikimit historik në turin e dytë të Ligës së Kampioneve. Kjo ishte hera e parë që Kukësi kalonte një tur në Champions, teksa nesër do të mësojë edhe kundërshtarin për raundin e dytë, pikërisht fituesin e çiftit Karabak-Olimpija Lubjana.
Menjëherë pas përfundimit të takimit, Gjici nuk ngurroi të shigjetonte ish-trajnerin Peter Pakult. “Ishte një ndeshje e vuajtur për ne, por e rëndësishme në fund është që u kualifikuam.
Pakult na ka lënë me probleme. Megjithatë, kualifikimi ishte detyrim për skuadrën dhe u arrit. Premio? Duke parë dhe duke bërë”, – deklaroi Gjici.
