Arritja në finalen e Kupës së Botës ka dërguar në delir popullin kroat, ndërkohë që pjesë e kësaj feste u bë dhe një banor i Salvadorit.
Yuri Cortez, me profesion fotoreporter u përfshi në festën e lojtarëve kroat pas golit të Mario Mandzukic, gol që rezultoi deciziv. Megjithatë, Cortez thotë se u ndje shumë mirë edhe pse u befasua shumë nga kjo ngjare.
“Në momentin që mora kamerën për të xhiruar momentet e ndeshjes, vetëm e pash një turmë të lojtarëve që erdhën drejt meje. U befasova dhe kjo është e logjikshme pasi që nuk ndodh shumë shpesh. U ndjeva shumë mirë”,-ka thënë fotoreporteri Cortez.
Pas episodit, futbollistët kroatë si Manduzikic, Ivan Perisic, Ivan Rakitic dhe Damagoj Vida i kërkuan falje për ngjarjen.
Kroacia arriti të fitojë në kohën shtesë ndaj Anglisë me rezultat 2-1, duke siguruar një vend për finalen e madhe të Kupës së Botës “Rusia 2018”.
Croatian Players apologize to the cameraman after burying him during their celebration for Mandzukic's winning goal. #WorldCup #Croatia # CRO #CROENG #Russia2018 #Mandzukic pic.twitter.com/5h1CKAY3h9
— LeagueSX (@league_sx) July 12, 2018
