Arbnor Fejzullahi ka mbetur pa ekip. Mbrojtësi mbylli kapitullin e 4-vjeccar me Partizanin duke e bërë ditur vendimin e tij në rrjetet sociale. Edhe pse shprehu keqardhjen e largimit nga “Demat e kuq”, 25-vjeccari ka patur mundësinë dhe lirinë të “nxjerr” sekretet që ndikuan në ndërprerjen e aktivizimit të tij me ekipin kryeqytetas.
Menaxhimi dhe drejtimi i ekipit në sezonin e fundit solli pakënaqësi te Fejzullahi i cili e konsideroi të mjaftueshme qëndrimin e tij me “Të Kuqtë”. Paqëndrueshmëria në rezultate dhe ndërrimi i stolit e orientuan Partizanin në drejtim të paqartë, megjithëse në fund rezistoi të siguronte kualifikimin në Europa League.
Fejzullahi synon të luajë në Zvicër, por pritet ende oferta dhe zgjedhja e ekipit të ri. Në adresë të tij janë interesuar shumë klube shqiptare e të huaja.
