Pasi dështoi të merrte mesfushorin e Napolit, Jorginho, që u transferua te Chelsea, skuadra e Manchester City ka hedhur sytë te mesfushori kroat Mateo Kovacic, që luan me Real Madrid. Trajneri Pep Guardiola kërkon një përforcim në mesfushë duke parë impenjimet e shumtë ta skuadrës kampione të Premier League sezonin e ardhshëm. Sipas të përditshmes britanike “Daily Star”, problem për të marrë lojtarin që luan në finalen e Botërorit me Kroacinë është çmimi i tij.
Skuadra “merengues” ka vendosur shumë preëj 90 milionë eurosh për të lënë të lirë lojtarin, një shumë disi e lartë për Kovacic, që nuk është titullar te Real Madrid dhe shumicën e kohës ka qëndruar në stol. Real kërkon ta mbajë me çdo kusht mesfushorin 24-vjeçar, që kërkon një sistemim të ri për të ardhmen, ku të aktivizohet më shumë. Duket se Real kërkon të arkëtojë sa më shumë nga shitja e lojtarëve të tij (mori 105 milionë euro nga shitja e Ronaldo), në mënyrë që të afrojë të tjerë yje në ekip.
