Marc Marquez me Honda fitoi garën e Çmimit të Madh të Holandës në Moto GP, zhvilluar në pistën e Assen, duke thelluar edhe më shumë diferencën me rivalët. Një triumf i vështirë por i merituar i pilotit spanjoll, në një garë spektakolare dhe me shumë rivaliteti, me e bukura e këtij sezoni, ku emri i fituesit ishte në dilemë deri në kthesën e fundit.
Në vendin e dytë u rendit spanjolli Alex Rins me Suzuki dhe në të tretin një tjetër spanjoll, Maverick Vinales me Yamaha. Pas tyre u klasifikuan dy pilotë italianë, me Andrea Dovizioso (Ducati) që la pas Valentino Rossin (Yamaha).
Gara e Assen ishte e hapur nga xhiro e parë deri në të fundit, ku 5-6 pilotë ishin gjithnjë në krye e alternoheshin mes tyre për fitimin e saj. Garë ku kryesuan Lorenzo, Dovizioso, Rossi, Vinales e Marquez dhe vetëm dy xhiro nga fundi spanjolli i Honda u shkëput dhe fitoi. Jashtë podiumit mbeti Rossi, që dy xhiro nga fundi mori gjerë kthesën dhe doli nga pista e humbi mundësinë për t’u ngjitur në podium.
Garë me hope e Lorenzo, që edhe pse e udhëhoqi atë në pjesën e parë, në të dytën humbi terren, duke u klasifikuar në vendin e shtatë. Në renditjen e përgjithshme, Marquez ngjitet në kuotën e 140 pikëve, Rossi qëndron i dyti me 99 pikë e pas tij ndodhet Vinales me 93. Gara e radhës së Botërorit të Moto GP, pas dy javësh në Gjermani.
#MotoGP RACE 🏁@marcmarquez93 wins another EPIC! While @Rins42 edges past @maverickmack25 for his best ever premier class finish!#DutchGP pic.twitter.com/PYEz5h4IQF
— MotoGP™🏁 (@MotoGP) July 1, 2018
