Luke Shaw i ka të qarta idetë për të ardhmen e tij. Mbrojtësi dëshiron të qëndrojë te Manchester United dhe për këtë i ka thënë “jo” ofertës nga Liverpool. Shaw kërkon të bindë trajnerin Jose Mourinho se është një futbollist i denjë për fanellën e “Djajve të Kuq”.
23-vjeçari është pjesë e Manchester United qe prej 2014, por gjatë këtyre viteve për shkak të dëmtimve nuk ka arritur të tregojë potencialin e tij të vërtetë. Kontrata e futbollistit me Manchester United përfundon në 2019 dhe Shaw ka në dispozicion një vit kohë për ta bindur Mourinhon t’i ofrojë rinovimin e kontratës.