Dyshime për të ardhmen e Neymar. Sipas asaj që ka bërë të ditur gazeta spanjolle “AS”, Paris SG nuk e konsideron më brazilianin si të pashitshëm. Në këtë mënyrë shtohen shtesat e Real Madrid dhe presidentit Florentino Perez, që nuk e ka fshehur kurrë dëshirën për të marrë numrin 10.
Gjithsesi, fjala e fundit i përket trajnerit të ri të Paris SG, Thomas Tuchel, i cili kërkon një alternativë të vlefshme dhe i ka hedhur sytë nga Paulo Dybala.
Klubi i presidentit Nasser Al-Khelaifi nuk do të lejojë largimin e Kylian Mbappe, i cili shkëlqeu në kampionatin botëror në Rusi. Pikërisht rritja e talentit francez është një nga arsyet që mund ta shtyjë Neymar të luajë në një ekip tjetër, për të mos përsëritur atë që ndodhi te Barcelona kur ishte nën hije e Leo Messi.
“Los Blancos”, prej kohësh të interesuar, mund të bëjnë një ofertë të majme, për t’i dhënë mundësinë Neymar të jetë zëvendësuesi i Cristiano Ronaldo në “Bernabeu”. Por më parë duhet që Dybala t’i thotë “po” interesimit të PSG.
