Lucas Biglia ka shprehur dëshirën për t’u larguar nga Milan dhe të rikthehej te Lazio, por ka marrë përgjigje negative nga presidenti Lotito dhe drejtori i klubit bardhekaltër, Igli Tare.
Argjentinasi donte të kthehej në “Olimpico” para se KAS të merrte vendimin për rikthimin e kuqezinjve në Europa League. Lajmin e ka bërë të ditur “cittaceleste.it.”
Ndërkohë, Lazio nuk do të marrë as Andre Schurrle nga Borussia Dortmund, ndryshe nga çfarë ishte shkruar në ditët e fundit. 27-vjeçari gjerman do të rikthehet në Premier League ku sipas “Daily Mail”, ai do të veshë fanellën e Fulham. Në Londër sulmuesi ka luajtur me Chelsea në vitin 2013.
