Mesfushori i Real Madrid, Mateo Kovacic, pranoi se e ardhmja e tij në nivel klubesh është në dyshim, vetëm pak orë pasi fitoi të drejtën për të luajtur në gjysmëfinalen e Kupës së Botës 2018 me Kroacinë.
Muajin e kaluar, Kovacic zbuloi se mund të largohej nga “Bernabeu”, sepse kishte ardhur momenti në karrierën e tij që të luante si titullar.
Pas suksesit ndaj Rusisë me penallti, 24-vjeçari pohoi: “Për momentin jam një futbollist i Real Madrid dhe është krenari, por të shohim. Nuk jam i sigurt se do të luajë për ta në sezonin e ardhshëm.
Nuk jam shumë i qartë për të ardhmen,” – tha Kovacic, që ka luajtur 100 ndeshje me ekipin spanjoll në tre vite, por vetëm 10 prej tyre i nisi si titullar në sezonin e kaluar.