Milan thuhet se është i hapur për shitjen e mbrojtësit Leonardo Bonucci këtë merkato vere, por Paris Saint-Germain do të duhet të paguajë 40 milionë euro për shërbimet e mbrojtësit të qendrës. Kapiteni i kuqezinjve gjithnjë e më shumë është i lidhur me një largim, vetëm 12 muaj pas nënshkrimit nga Juventusi për 42 milionë euro. Agjenti i tij Alessandro Lucci mendohet se është takuar me drejtuesit e Paris SG, ndërsa “Djalli” ka nevojë për të shitur lojtarë për të financuar fushatën e tyre të transferimit të verës. “Calciomercato.com” raporton se largimi i mbrojtësit italian është duke u konsideruar seriozisht, me Milanin duke kërkuar një shifër rreth 40 milionë euro për shërbimet e Bonucci.
Përveç 40 milionë eurove që do të fitojnë nga shitja e tij, kuqezinjtë gjithashtu do të lehtësohen edhe nga paga që merr Bonucci, e cila me shpërblime mund të arrijë deri në 10 milionë euro për sezon. Të gjitha këto para rreth 50 milionë euro “Djalli” do t’i shpenzonte për të nënshkruar me një sulmues të madh, megjithatë ka shumë dyshime. Kuqezinjtë kanë paguar 42 milionë euro për mbrojtësin e qendrës dhe tani mund të përfitojnë të njëjtën shifër. Ata do të prishnin koston e një transferimi mbi kohëzgjatjen e një kontrate dhe ata do të shpëtonin pagën e katër sezoneve. Kjo do të thotë se “Djalli” mund të regjistrojë një fitim me Leo Bonucci-n, pasi ata gjithashtu do të kompensonin koston e transferimit të tij nga Juventusi.
