Laçi ka mposhtur Teutën me rezultatin e pastër 3-0 duke siguruar 3 pikë të arta! Kurbinasit nuk fitonin prej 4 javësh në kampionat, teksa triumfi i sotëm ndaj durrsakëve, duket se ka rikthyer optimizmin në kampion bardhezi. Ishte sulmuesi Nuabueze heroi i sfidës së sotme, i cili me dopietën e realizuar në pjesën e parë nxori nga kriza Laçin.
Për të vulosur sfidën mendoi Redon Xhixha, i cili shënoi golin e tretë. Me fitoren e sotme, Laçi u ngjit në kuotën e 10 pikëve, ndërkohë Teuta mban momentalisht vendin e dytë me 15 pikë.
