Ekipi i Kukësit do të luajë ditën e martë në orën 18:00 ndeshjen e kthimit kundër Valetas të vlefshme për raundin e parë kualifikues të Champions League.
Verilindorët do të nisen drejt Maltës ditën e nesërme në orën 9:00, siç ka njoftuar vetë klubi në faqen zyrtare në Facebook. Kukësi shkon në këtë ndeshje me synimin e qartë të kalimit të turit, për të cilën i nevojitet një fitore ose barazimi me gola.
Kujtojmë se ndeshja e parë në Shkodër përfundoi në barazim 0-0, ndërkohë që sfida e kthimit do të jetë dhe debutimi zyrtar për trajnerin e ri Armando Cungu.
