Nejmar ka qenë një nga emrat më të përfolur gjatë kësaj periudhe verore. Lojtari është bërë shumë i njohur për sa i përket lojës së tij në Kupën e Botës. Ai nuk ka bërë paraqitjet më të mira por më parë ka treguar se është një lojtari i madh në fushën e blertë. Epo tashmë Nejmar duket se e ka “harruar” futbollin dhe ka filluar të luajë Poker.
Lojtari brazilian është kualifikuar për në tavolinën finale në turneun e zhvilluar në Brazil dhe ka arritur të zërë vendin e gjashtë duke fituar kështu një shumë prej 20 mijë eurosh. Për “Esports” lojtari u shpreh i lumtur për këtë vend. “Jam shumë i lumtur që marr pjesë për herë të parë në një turne të tillë dhe shkoj në tavolinën finale me lojtarë të mëdhenj. Ishte një përvojë e re dhe e bukur”. –tha Nejmar.
