Ilir Blakçori është në “orbitën” e Partizanit. 26-vjeçari është në listën e dëshirave të trajnerit Skënder Gega. Ai luan si mbrojtës i majtë dhe pritet të zëvendësojë Blerim Kotobellin e larguar.
Sezonin që lamë pas, Blakçori ishte pjesë e skuadrës së Llapit. Bëhet me dije që drejtuesit e kuq kanë nisur bisedimet dhe në ditët në vazhdim pritet diçka konkrete për sa i përket të ardhmes së lojtarit. Në letër shifrat nuk flasin në favor të tij, pasi edicionin e fundit ai s’u aktivizua për shkak të një dëmtimi.
Megjithatë tashmë është rikuperuar dhe drejtuesit e kuq besojnë në aftësitë e tij. Më parë, Blakçori ka provuar të luajë për ekipin e Gjilanit, ndërsa për edicionin e ri mund t’i bashkohet 15-herë kampionëve të Shqipërisë. Kujtojmë që edhe dy vite më parë, të kuqtë arritën akordin me 26-vjeçarin, por më pas u largua, pa u prezantuar fare.
