Gjyqtari shqiptar Bekim Zogaj është zgjedhur nga UEFA si asistenti i parë për takimin e kthimit të Champions League midis Rosenborgut dhe Celtic që luhet pas dy ditësh në Noervegji. 37-vjeçari arbitron prej vitesh në Zvicër dhe është nga Kosova. Ai do të bashkëpunojë me kolegët zviceranë Sandro Scharer dhe Jonas Erni.
Zogaj shihet një arbitër me perspektivë në UEFA dhe po ndihmon në trajnimin e gjyqtarëve të rinj të Kosovës. Ai ka arbitruar në të gjitha nivelet e futbollit europian. Njëkohësisht ai gjykon prej 6 vitesh në kampionatin zviceran ku numëron 78 ndeshje.
Kampionët e Skocisë Celtic janë favoritë për kualifikim duke fituar takimin e parë 3-1 në shtëpi.
