Partizani nuk ka qenë shumë aktiv në këtë merkato vere. Tek të kuqtë s’ka pasur shumë zhvillime për sa i përket “hyrje-daljeve”, megjithatë në sezonin e ri futbollistik priten të jenë pretendentë për titull kampion. Deri më tani në fazën ofensive është afruar sulmuesi Stefan Nikoliç, i cili është shumë pak për edicionin e ri.
Drejtuesit po punojnë intensivisht, por nuk preferohen të nxirren emra. Deri më tani më i lakuari është Rubin Hebaj. Shkodrani e ka shprehur hapur dëshirën për të pasur një bashkëpunim me 15-herë kampionët e Shqipërisë. Deri tani s’ka asgjë zyrtare.
Newsport.al mëson se nuk do të jetë çudi nëse te Partizani do të rikthehet ndonjë “ish”. Pritet me interes të shihet se cila do të jetë zgjedhja përfundimtare e të kuqve për të riparuar problemet në majën e sulmit.
