Mesfushori francez Paul Pogba mund të luajë për Barcelonën sezonin e ardhshëm në La Liga. Menaxheri i tij Mino Raiola ka qenë në stërvitjen e skuadrës “blaugrana” këtë javë dhe ka takuar drejtuesit e ekipit katalanas për të biseduar në lidhje me transferimin e mundshëm të mesfushorit, që është ende nën kontratë me Manchester United. Paraqitja e mirë që Pogba ka bërë në Kupën e Botës “Rusi 2018” ka rritur sërish kuotat e tij, ndaj Raiola ka nisur bisedimet me klubet më të mëdha në Europë për t’i gjetur një sistemim të ri mesfushorit.
Marrëdhënia e Pogba me trajnerin Jose Mourinho është krisur prej kohësh dhe e ardhmja e lojtarit është larg “Old Trafford”, ndaj një transferim në “Camp Nou” është gjithnjë e më i mundshëm. Barcelona është interesuar për lojtarin që në vitin 2015, por Pogba vendosi të rikthehej tek United, ku dhe kuishte luajtur para se btë transferohej te Juventusi. Por pas largimit të Andres Iniesta skuadra kampione e Spanjës po sheh disa alternativa për ta zëvendësuar mesfushorin dhe Pogba është në balotazh me Kante për të veshur fanellën e Barça.
