Cristiano Ronaldo, ashtu siç parashikohej, i ka dhënë fund pushimeve në Greqi dhe është kthyer në Spanjë, në Madridin mbret i së cilit ka qenë para pak kohësh.
Ndërkohë, Juventus ka bërë një komunikatë për shtyp nëpërmjet së cilës ka lajmëruar se portugezi do të prezantohet para shtypit italian në orën 18:30 të ditës së hënë.
Ronaldo do të zbarkojë në Itali të dielën në mbrëmje ose të hënën në mëngjes dhe, pasi të zhvillojë vizitat mjekësore në J Medical, do të zhvillojë konferencën për shtyp, e cila pritet me padurim nga tifozët bardhezinj.
