Duket se Kylian Mbappe po vendos rekorde të reja në pothuajse çdo ndeshje që luan. Në sfidën e tij të fundit për PSG-në, 19-vjeçari shënoi katër gola në vetëm 13 minuta lojë, duke u bërë lojtari më i ri në Ligue 1, në mbi 45 vite, që shënon katër herë në një ndeshje.
Dhe si një shpëtimtar, Mbappe shënoi golin e dytë të Francës në barazimin 2-2 kundër Islandës, të enjten, në minutën e 90-të, duke evituar një turpërim të mundshëm të kampionëve të botës. Ai u bë lojtari i parë, që arrin kuotën e 10 golave për “Les Bleus”, pa i mbushur ende 20 vjeç.
Kontributi për Francën vazhdon ta nënvizojë statusin e tij si një nga lojtarët më të mirë në botë. Mbappe fitoi çmimin e lojtarit të ri më të mirë në Rusi, kësaj vere, ndërsa Franca triumfoi në Kupën e Botës.
Po ashtu, ylli i ri i PSG-së pritet të bëhet lojtari i parë, që do të mbajë çmimin “Golden Boy”. Pas barazimit të mbrëmshëm 2-2, Franca do të kthehet në veprim të martën, me një përplasje masive të Ligës së Kombeve, kundër Gjermanisë.
