Skënderbeu është në prag të një transferimi tjetër të bujshëm në historinë e tij. Pas shitjes së Olayinkës te belgët e Gent kampionët e Shqipërisë janë gati të shesin dy prej futbollistëve kryesorë Enis Gavazajn dhe Fidan Alitin me një çmim relativisht të lartë. Për të dy lojtarët shifra e plotë e transferimit arrin vlerën e 1 milion €.
Por Skënderbeu nuk ka zgjedhur klientin se kujt duhet t’ia shesë produktin. Hajduk Split dhe Akhmat Grozny kanë dërguar oferta zyrtare te klubi korçar dhe Skënderbeu ka në plan t’i shesë të dy lojtarët te një ekip. Ndërkohë që në “stacion” për t’u larguar është edhe Bakari Nimaga.
