Barça nuk heq dorë nga përpjekjet e saj për të nënshkruar me Willian Borges dhe ka bërë një ofertë të tretë për brazilianin që arrin shumën e 61 milionë eurove, siç shkruan “Sky Sports”. Javën e kaluar i njëjti portal njoftoi për një ofertë fillestare prej 55 milionë eurosh që theksoi se bisedimet mes dy klubeve dhe përfaqësuesit të lojtarit janë të avancuara. Kjo ofertë u refuzua dhe Barça ofroi 59 milionë euro, tre më shumë se përpjekja e parë, e cila u refuzua sërish. Willian është i dëshpëruar për të lënë Chelsea-n pavarësisht nga lutjet e trajnerit Maurizio Sarri, trajneri i ri i bluve. Sipas “The Sun” braziliani ka marrë oferta të rëndësishme nga FC Barcelona dhe Manchester United. I njëjti informacion thekson se trajneri italian ka kërkuar yjet që janë të pakënaqur në klub dhe duan një ndryshim ajri – përveç Willian, Eden Hazard dhe Thibaut Courtois, të punojnë një javë me atë para se të marrin një vendim kategorik për t’u larguar nga “Stamford Bridge”. “Por vendimi i Willian është marrë”, tha raporti.
“Mundo Deportivo” informoi se Willian i kërkoi drejtuesve të Chelsea-t se dëshiron të bashkohet me katalanasit. Si rezultat i marrëdhënieve të tij të këqija me trajnerin Antonio Conte, në mosmarrëveshje me qasjet e paraardhësit në pozicionin e Sarrit, Willian kuptoi se pesë vitet e tij në Chelsea ishin të mjaftueshme për të mbyllur atë cikël. Sarri premton një ekip të hapur dhe ambicioz, por ndjenja është se Willian, tani 29 vjeç, konsideron se ai duhet të fillojë përsëri diku tjetër. Sarri duhet t’i bëjë ballë një ndryshimi të tillë, sepse përveç Willian, edhe Hazard me Courtois janë të interesuar për t’u bashkuar me Real Madridin. Bisedimet me Coutinho dhe mundësia e bashkimit me një tjetër ekip të madh evropian është e vështirë të injorohet në këtë moment nga William, i cili dëshiron me çdo kusht të bashkohet me kampionët e Spanjës.
