FIFA e ka gjobitur Skocinë me më shumë se tetë mijë euro, pasi tifozët e saj i fishkëllyen himnit të Izraelit gjatë një ndeshjeje në tetor.
Federata skoceze u gjobit edhe për shfaqjen e një flamuri të pavend në stadiumin Hampden Park gjatë ndeshjes Skoci – Izrael në kualifikime për Kupën e Botës 2022.
Skocia fitoi me rikthim 3:2 ndaj Izraelit në atë takim në stadiumin e mbushur me tifozë në Glasgow.
Goli i fitores i shënuar nga Scott McTominay e mbajti Skocinë në vendin e dytë në Grupin F.
Një fitore e mundshme ndaj Moldavisë më 12 nëntor do t’ia garantojë play-offin Skocisë.
Shtëpia e futbollit botëror tha se Skocia u gjobit për shkak se e shkeli artikullin 16 të kodit disiplinor të FIFA-s.
