Mici zyrtarisht i Shkëndijes, tetovarët janë unikë në prezantimet e tyre (VIDEO)

Nuk kishte shumë dilema, pasi lajmi për kalimin e Gledi Micit te Shkëndija e Tetovës u publikua që mbrëmjen e djeshme. Mbrojtësi i krahut të majtë mbetej vetëm të prezantohej nga klubi tetovar. Një prezantim që erdhi para pak minutash.

Mici u afrua nga kampionët e Maqedonisë për të zëvendësuar Ardian Cuculin e larguar në fund të sezonit. Një lajm i keq për kuqezinjtë është se ish-futbollisti i Skënderbeut nuk mund të luajë në Champions League. Megjithatë, afrimi i tij është një goditje mjaft e zgjuar nga tetovarët.

Shkëndija i ka kushtuar një rëndësi të veçantë prezantimit të tij dhe mënyra e zyrtarizimit të Micit te skuadra shqiptare është mjaft i veçantë. Zyra e shtypit e Shkëndijes së Tetovës është absolutisht më e mira e ekipeve shqiptare.