• Home
  • Futboll
  • Shkëndija njeh rivalin, sfidon skuadrën që eliminoi Kukësin!
Futboll Sport

Shkëndija njeh rivalin, sfidon skuadrën që eliminoi Kukësin!

Shkëndija e Tetovës do të sfidojë moldavët e Sherif Tiraspol në turin e dytë kualifikues të UEFA Champions League. Ekipi që eliminoi me shumë fat Kukësin një vit më parë nga turi i dytë arriti të kualifikohej sërish në këtë raund falë suksesit 3-0 në sfidën e kthimit ndaj gjeorgjianëve të Torpedo Kutaisit.

Kampionët e Moldavisë zhvleftësuan humbjen 2-1 të ndeshjes së parë duke triumfuar në shtëpi falë finalizimit të belgut Badibanga dhe 2-golëshit të brazilianit Joalisson. Një kundërshtar shumë më i vështirë ky për Shkëndijën krahasuar me uellsianët e TNS, pasi bëhet fjalë për një ekip që sezonin e kaluar mori pjesë në fazën e grupeve të Europa League madje deri në ndeshjen e fundit ishte në lojë për të kaluar grupin.

Megjithatë kuqezinjtë tetovarë kanë treguar gjatë dy viteve të fundit në Europë se janë një kockë e fortë dhe pavarsisht emrit të rivalit të radhës skuadra e Qatip Osmanit ka shanse për ta kaluar edhe këtë raund. Ndeshja e parë do të luhet në Shkup në datën 24 korrik.

Related posts

Zbulohet trajneri i ri i Partizanit, prezantohet nesër

Sadik.Autor

Mino Raiola nis kontaktet me PSG, përgatitet largimi i Donnarummas në qershor

Q.Autor

SERIA “A”/ Strakosha kërkohet nga të gjitha skuadrat e mëdha italiane

Q.Autor

Leave a Comment