Janë të dy shokë skuadre, por mesfushori francez i Juventusit Blaise Matuidi ndihet më krenar se portugezi Ronaldo. Matuidi ka arritur suksesin më të madh në karrierën e një futbollisti ku ka pak ditë që ka fituar me Francën Kupën e Botës.
Në një deklaratë për gzetën sportive italiane”Gazzetta dello Sport” juventini e ka peshuar si më të rëndë trofeun që fitoi me “Gjelat” se sa kampionatin europian të fituar nga portugezi në 2016 me Portugalinë.
“Cristiano është lojtari më i mirë në planet. Fakti që ai do të luajë me ne është lajm i mrekullueshëm, sidomos për një lojtar që do të ndajë të njëjtën dhomë me një kampion bote!
Dy vite më parë ai arriti të më mposhtte në finale e Parisit, por është e vërtetë se Kupa e Botës është më e vlefshme se një Kampionati Europian!”, deklaron 31-vjeçari.
