Jonghong Li, dy javë më parë u detyrua të hiqte dorë nga presidenca e Milanit, pasi nuk mund të shlyente detyrimin e fundit ndaj klubit. Teksa fondi “Elliot” e largoi nga posti, problemet për manjatin kinez sapo nisën. Ditën e djeshme, “Corriere della Sera” ka bërë të ditur se për 48-vjeçarin kinez ka nisur një hetim.
Sipas të njëjtit burim, Prokuroria e Milanos do të hapë një dosje me në qendër Jonghong Li dhe aktivitetin e tij. Ish-presidenti i Milanit dyshohet për “Falsifikim komunikimi social”, ose e thënë ndryshe, deklarata të rreme mbi aktivitetin e tij në krye të kuqezinjve, që nga manovrat si shoqëri aksionere e deri të modifikimet e fletoreve të bilancit të Milanit nën menaxhimin e tij.
Pikërisht, paqartësia mbi kinezin i kushtoi edhe Milanit ndëshkimin nga UEFA, i cili për fatin e mirë të kuqezinjve u ndryshua ditën e djeshme, çka konfirmon faktin që pakënaqësitë e zyrtarëve të Nionit ishin kundrejt kreut dhe jo klubit milanez.
