Luis Suarez, sulmuesi i Uruguait që sot u eliminua në çerekfinale nga Franca, ndër të tjera foli sot edhe për kundërshtarin e tij, deçiziv në dështimin e uruguajanëve, Griezmann, autor i golit të dytë për “Gjelat”. Në fakt sulmuesi francez, mik i Godin dhe Gimenez, nuk festoi golin e tij, gjithsesi Luis Suarez ishte shumë i qartë kur deklaroi: “E çuditshme të shohësh atë që nuk është uruguaian, por francez dhe shënoi gol kundër për ne”.
Cavani nuk mundi dot të luajë për shkak të një dëmtimi të pësuar që në ndeshjen e të tetave kundër Portugalisë. Një mungesë shumë e rëndësishme e pranuar edhe nga partneri i tij në sulmin e Uruguait, Luis Suarez: “Cavani ka qenë thelbësor për ne për tipin e lojtarit që është. Ai realizoi dy gola, por edhe ata që luajtën për atë bënë të njëjtën gjë dhe dhanë gjithçka për ekipin. Mungesa e tij nuk është një justifikim”.
