Gjithçka është gati, Nicola Kalinic do të largohet nga Milan pas një sezoni shumë të vështirë, i cili u mbyll edhe me përjashtimin nga kombëtarja e Kroacisë në Kupën e Botës.
Karriera e tij do të vazhdojë në Spanjë, atje ku sipas radios “Cadena Ser”, marrëveshja mes Atletico Madrid dhe futbollistit është arritur dhe tani pritet përgjigja “po” e Milan, që nuk do të vonojë më shumë se fundjava e ardhshme.
Kalinic do të kalojë te skuadra e Simeone në formën e huazimit me detyrim blerje në qershor 2019 për shumën e 18 milionë eurove.
Milan shpenzoi 22 milionë euro për ta marrë nga Fiorentina në sezonin e kaluar, por ai u paraqit poshtë nivelit të pritshmërive.
