Francezët duan të jenë të përgatitur në rast triumfi në Botërorin e Rusisë. Sponsori teknik i “bluve”, Nike, ka nisur prodhimin e fanellave të reja me dy yje, që simbolizojnë dy tituj botërorë të fituar.
Faqja “Footy Headlines” e specializuar në zbulimin dhe prezantimin e fanellave të reja, publikoi uniformën që është përgatitur. Fotografia konfirmon se cila do të jetë fanella e re e Francës në rast suksesi ndaj Kroacisë.
Nike ka bërë gati 20 mijë fanella, të cilat do të hidhen në treg menjëherë pasi Franca të fitojë Kupën e Botës. Gjithmonë nëse Kroacia nuk rezervon ndonjë surprizë të bukur.
