Skuadra e Manchester United ka bërë një ofertë për mesfushorin e Real Madrid Toni Kroos, i cili është eleminuar nga Kupa e Botës pak ditë më parë. Megjithatë nuk ka zgjatur shumë edhe përgjigja e lojtarit madrilen, i cili sipas mediave spanjolle është shprehur se nuk dëshiron të kalojë në Angli, por do të qendrojë te Real Madrid.
Kujtojmë që Kroos në karrierën e tij ka fituar gjithçka të mundshme, përfshirë këtu edhe Kupën e Botës me Gjermaninë në vitin 2014-të në Brazil. I vetmi trofe që i mungon numrit 8 është një Europian, që deri më tani nuk ka mundur ta fitojë me panzerat.