Trajneri i Arsenalit, Unai Emeri shpreson që të bëjë një sezon të mirë me ekipin e tij Arsenal dhe e fillon aventurën e tij duke u bërë lojtarëve banjo akulli. Spanjolli 45 vjeç e mori detyrën e vështirë të drejtimit të ekipit londinez pas largimit të Arsen Venger.
Nuk dihet ende se çfarë fiton trajneri nga banjot e akullit të lojtarëve, por duket se i ka munduar jo pak futbollistët e ekipit. Siç duket edhe në foto Aubamejang dhe Lakazet janë duke “vuajtur”. Arsenali do të përballet të premten kundër Atletiko Madridit në kuadër të fazës përgatitore.
