Ish-atleti xhamajkan usain bolt vazhdon të ndjekë ëndrrën e tij për të luajtur si futbollist profesionist dhe është pranë nënshkrimit të një marrëveshje më skuadrën e Central Coast Mariners, e cila militon në kampionatin e A-League në Australi. 31-vjeçari, rekordmen i botës në 100 dhe 200 metra, u tërhoq nga garat një vit më parë, pas Botërorit të Londrës dhe është një tifoz i çmendur i Manchester United.
Bolt nuk e ka fshehur asnjëherë pasionin e dashurinë për futbollin, për të luajtur në një ekip profesionist dhe kohët e fundit është stërvitur me skuadrën norvegjeze të Stromsgodset, ndërsa në mars me Borussia Dortmund. Por tashmë Usain Bolt ka një marrëveshje me ekipin australian të Mariners, e cila parashikon një periudhë stërvitore 6-javore me këtë ekip, fazë që do të nisë muajin e ardhshëm, në qendrën stërvitore të Gasford, në Australi.
Lajmin e kanë konfirmuar drejtuesit e klubit australian, që kanë shtuar se në rast se kjo periudhë 6-javore do të shkojë mirë, atëherë atletit do t’i ofrohët një kontratë 1-vjeçare. Kjo do të jetë kontrata e parë profesioniste e Bolt me një klub futbolli.
Club statement, regarding @usainbolt: https://t.co/YEPoldhcXb#CCMFC #ALeague pic.twitter.com/CmS7KjJdTZ
— Central Coast Mariners (@CCMariners) July 16, 2018