Gallatasaraji mori një fitore me shumë rëndësi në derbin e Superligës Turke dhe Stambollit kundër Beshiktashit me rezultatin 2-0.
Vendasit bënë të tyret 3 pike në një nga takimet vendimtare për titullin kampion, me gola të shënuar nga Fernando dhe Garry Rodrigues, në minutat e 23′ dhe 70′. Në sfidat e tjera, ra në sy fitorja e Bashakshehirit dhe Fenerbahçes, duke e bërë garën për titullin kampion edhe më interesante.
Kjo fitore i ka dhënë mundësinë Gallatasarajit që të kryesojë renditjen me 66 pikë pas 31 ndeshjeve, dhe ndiqet nga ekipet e tjera të Stambollit, me garën që vazhdon të jetë e hapur. Në vendin e dytë pozicionohet Istanbul Basaksehir me vetëm 1 pikë diferencë, kurse Fenerbahce me 63 pikë ndodhet në vendin e tretë. Pas kësaj humbjeje, Beshiktashi renditet në vendin e katërt me 62 pikë.
