Sulmuesi i Manchester City-t, Sergio Aguero, mund të jetë futur në telashe, pas publikimit të një videoje ku shfaqet duke pirë Shisha së bashku me një modele, Lola Magnin. Bëhet fjalë për një hobi të përhapur gjerësisht edhe te futbollistët, por nuk duhet harruar se në fund të fundit është sërish duhan, edhe pse tymi kalon nëpërmjet ujit dhe i ndryshon shija. Një orë përdorimi Shisha vlen sa 100-200 cigare, ndaj natyrisht Aguero do të duhet të japë disa shpjegime, për t’i shpëtuar zemërimit të trajnerit Pep Guardiola.
Lo que no llegamos a mostrar en @losangeles_ok LOLA MANGIN, la nueva novia del KUN. Ya se muestran en las redes #LAM pic.twitter.com/BU9w9mzAFM
— ANGEL (@AngeldebritoOk) August 22, 2018
Sulmuesi 30-vjeçar flitet se ka një lidhje dashurie me bukuroshen 18-vjeçare, pretendim që vetë argjentinasi e ka mohuar: “Nuk po dal me askënd. E njoh atë, po vetëm kaq, nuk ka ndonjë lidhje romantike”.
Aguero shkëlqeu fundjavën e shkuar kundër Huddersfield-it, duke konfirmuar se është ndër sulmuesit më të mirë të huaj që kanë luajtur ndonjëherë në Premier Ligë, por videoja e tij duke pirë Shisha ka ngjallur debate dhe legjendari Alan Shearer e ka kritikuar: “Nuk është diçka e mirë. Ai është një sportist elite, një ndër më të mirët në botë, një model për të gjithë të rinjtë që ëndërrojnë të bëhen si ai, ndaj mesazhi që ai dërgon nuk është aspak i mirë”.
Më parë edhe Raheem Sterling, Jordon Ibe e Jack Wilshere janë filmuar ose fotografuar duke pirë Shisha.
