Trajneri Unai Emery kërkon një përforcim të fundit për skuadrën përpara mbylljes së merkatos në Angli ditën e enjte, e për këtë drejtuesit e Arsenal janë gati të bëjnë surprizën e madhe duke tentuar blerjen e talentit të ri të Barcelonës.
Bëhet fjalë për Ousmane Dembele, me 21-vjeçarin që pas transferimit të bujshëm sezonin e shkuar në Spanjë, nuk ka arritur dot të gjejë hapësirat e nevojshme te katalanasit. Është pikërisht kjo që kërkon të shfrytëzojë tekniku i “topçinjve”, duke tentuar kështu afrimin e tij në Londër.
