Sportisti shqiptar Izmir Smajlaj nis sot konkurimin në disiplinën e kërcimit së gjati në Kampionatin Europian të Atletikës që çelet sot në Berlin të Gjermanisë. Atleti 25-vjeçar do të kërkojë medoemos medaljen e artë. Për të ndjekur paraqitjen e tij, Smajlaj ka njoftuar në faqen e tij në “Faceboook” se kanali Radio Televizioni Shqiptar 1 (RTSH 1) do të transmetojë direkt garën e tij kualifikuese në kërcimin së gjati.
” Sot në orën 16.30 në ekranin e televizionit shqiptar RTSH1, do jepet live gara ime kualifikuese në Kampionatin Europianin ne Berlin. Më ndiqni! Faleminderit për mbështetjen tuaj !”
Smajlaj ka fituar 2 medalje të arta në karrierë ( Kampionati Europian i Atletikës në Sallat e Mbyllura 2017 në Serbi dhe Kampionati Ballkanik i Atletikës në Sallat e Mbyllura këtë vit në Turqi).
