Botërori ka përfunduar prej gati një muaj tashmë, por pasojat e tij te lojtarët mesa duket ndihen akoma. Së fundmi te PSG-ja kanë kryer testet mjekësore futbollistët të cilët janë kthyer nga Botërori më vonë se të tjerët, duke nisur kështu përgatitjet për sezonin e ri që nis pas disa ditësh.
Ndërkohë në videon e shpërndarë nga vetë klubi, bie në sy lodhja e brazilianit Neymar gjatë testit të kardios. Po ashtu në fund të videos edhe Mbappe shfaqet i sfilitur teksa përkulet për të stabilizuar frymëmarrjen. Kjo u vu re edhe nga shumë tifozë të parizienëve, të cilët veçuan sidomos momentin e Neymar.
Kështu kuptohet qartë efekti që ka Kupa e Botës në fizikun e lojtarëve me intensitetin e madh të ndeshjeve në një har të shkurtër kohor. Mbetet për t’u parë se sa do të ndikojë kjo në performancën e lojtarëve edhe në ndeshjet e para të sezonit të ri.
Medical tests for the last World Cup players 🔛Tests médicaux pour les derniers mondialistes 🔛
Posted by PSG – Paris Saint-Germain on Monday, August 6, 2018
