Ish-trajneri i Kombëtares shqiptare Xhani De Biazi ka folur së fundmi për blerjet e reja që ekipet e Milanos kanë bërë, përkatësisht Gonzalo Higuain te Milan dhe Leutaro Martinez te Inter.
Duke folur ekskluzivisht për Tutto Sport, tekniku tha se argjentinasi i ardhur nga Torino do të përshtatet mjaft mirë te kuqezinjtë ndërsa Martinez te Inter po i shfaq që tani vlerat e tij.
“Higuain është gjithmonë një siguri përpara portës. Te Milan ka shumë lojtarë që i shërbejnë kështu që do përshtatet mjaft mirë. Martinez që tani po shfaq aftësitë e tij. Realizoi një gol shumë të bukur në Madrid gjë që dëshmon cilësitë dhe talentin e tij”, deklaroi De Biazi.