Plot 12 të vdekur dhe 30 të plagosur është bilanci i një aksidenti rrugor që përfshiu autobusin me tifozë të ekipit të Barcelonës së Guaijakulit. Kjo e fundit është nga skuadrat më popullore në Ekuador. Aksidenti ka ndodhur rreth orës 21:30. Barcelona e Guaijakulit mban të njëjtin emër me Barcelonën e Spanjës, madje ata ngjasojnë edhe në shumë detaje siç janë fanellat e ekipit apo stema.
Tifozët ishit duke u kthyer nga ndeshja që ekipi i tyre barazoi me Deportivo Kuenkën, përfunduar 1-1. “Bilanci përfundimtar i aksidentit është 12 viktima dhe 30 të plagosur. Po marrim masat për ti dërguar trupat e pajetë në shtëpi.”, ishte njoftimi në “Twitter” nga president i ekipit.
El reporte final del accidente ocurrido hoy con nuestros hinchas es de 12 personas fallecidas y 30 personas heridas. Estamos haciendo las gestiones para traer rápidamente los cuerpos y rendirles cristiana sepultura.
— José F. Cevallos (@panchocevallosv) August 13, 2018
