Ndarja mes Aurelio De Laurentiis dhe tifozëve të Napoli rrezikon të bëhet shumë e madhe, pas deklaratës së fundit të presidentit për radio “Kiss Kiss Napoli”
“Tifozët kërkojnë përforcime? Duan që unë të investojë para të tjera? Ashtu si ata më kontestojnë mua edhe unë i kontestoj ata. Disa prej tyre janë të droguar ose të çmendur. Duan të unë të shpenzoj për Napoli, kurse ata vetë blejnë fanella false nga 5 euro dhe nuk investojnë as 60 euro për të pasur një bluzë origjinale të Napoli,” – tha De Laurentiis.
Më pas i shtoi: “Merkato është e çmendur. Nëse Belotti vlen 70 milionë euro dhe ka bërë 10 gola në kampionatin e kaluar, më vjen mirë sepse do të thotë që Inglese që ka bërë 11 gola do të shitet 80 milionë euro.”
