Novak Djokovic, që një muaj më parë fitoi grand slam të Wimbledon, ka konfirmuar se objektivi i tij i radhës është të rikthehet numri 1 në botë, pozicion që për herë të parë e ka marrë në vitin 2011. Tenisti 31-vjeçar u rikthye fitues në një turne pas një periudhe të gjatë “agjërimi”, duke dalë edhe nga “top-10”, ndërkohë që e dominoi kreun e renditjes botërore për 3 vite (2014-2017).
Serbi shpreson që të fitojë edhe në US Open, çka do t’i jepte mundësi të afrohej edhe më shumë me kreun. Aktualisht, serbi renditet në vendin e dhjetë me 3,355 pikë, nuk ka për të mbrojtur asnjë pikë deri në fund të këtij viti, ndaj beson dhe shpreson që deri më 31 dhjetor të arrijë Rafael Nadal, që kryeson renditjen me 9,310 pikë.
“Nuk e mohoj që rikthimi si numri 1 është gjithnjë një objektiv për mua. Gjithsesi, nuk e vë veten nën presion për të arritur këtë objektiv, pasi jo gjithçka varet nga unë. US Open është synimi im kryesor për këtë pjesë të sezonit”, tha Djokovic, që do të luajë edhe në turnetë Master të Toronto e Cincinnati.
