Tirana në dy javët e para të kampionatit shqiptar ende nuk e ka gjetur fitoren. U mundën në ndeshjen e parë ndaj Kamzës dhe në takimin tjetër barazuan pa gola në shtëpi. Bardheblutë ende nuk e kanë çuar topin në rrjetë dhe ky është një sinjal shumë i qartë se ekipi ka nevojë për një sulmues të mirfilltë.
Deri më tani mësohet se drejtuesit e skuadrës 24 herë kampione janë vënë në lëvizje për dy sulmues. Bëhet fjalë për një në qendër dhe një krah, mirëpo emra ende nuk bëhen të ditur. Trajneri Ze Maria e ka konfirmuar që ekipi ka nevojë ende për përmirësime në merkato.
Pas 4 ditësh “pazari” i lojtarëve përfundon dhe nuk ka më kohë për t’u menduar shumë gjatë, sidomos kur ndeshja e radhës është në transfertë ndaj Kukësit, një rival i “etur” për pikë.
